Tað er ikki á hvørjum degi, at langommur eru lærarar hjá langommubørnum sínum, men tað eru vit í Sankta Frans skúla mín sann vitni til hetta skúlaárið. 

Langomman er eingin onnur enn Poulina Slættanes, okkara fyrrverandi lærari, bókavørður, virkandi varastjóri og annað mangt. Hóast pensjónsaldur játtar Poulina framvegis at lesa tímar í skúlanum, tá á stendur. Í ár er tað so sjáldsamt, at ein partur av hesum tímum eru í forskúla B, har langommudóttirin Marin Sofía Pauladóttir Slættanes gongur.
Á myndini síggjast tær báðar, langomman og lærarin Poulina og langommudóttirin og næmingurin Marin Sofía.